Katuwang ng San Pedro Laguna Rescue, nilapatan ng first aid ng UNTV News and Rescue ang nabanggang nagbibisikletang si Randolf John Patiag. (UNTV News)

LAGUNA, Philippines — Tinulungan ng UNTV News and Rescue ang lalake na sugatan matapos mabangga ng tricycle ang kaniyang sinasakyang bisikleta sa San Vicente Road, San Pedro, Laguna mag-aalas otso nitong Linggo.

Kinilala ang biktima na si Randolf John Patiag, 43-anyos, na nagtamo ng sugat sa ulo at hiwa sa kaniyang bibig.

Ayon sa mga saksi, sinalubong ng biktima ang paparating na tricycle kaya ito nabangga.

Pahayag ng barangay tanod na si Victorino Onde, “Itong taong naka-bike medyo nakainom o lasing sinalubong ang tricycle, sa totoo lang ipinagbabawal mag-drive ng nakainom, naaksidente nga lasing na lasing. Ayaw pang umaming nakainom, eh.”

Agad namang nilapatan ng pangunang lunas ng grupo ang biktima katuwang ang San Pedro Rescue at dinala sa Muntinlupa Hospital.

Samantala, tatlong magkakasunod na aksidente sa Cabanatuan City ang nirespondehan ng UNTV News and Rescue.

Nagkabanggan ang motorsiklo at tricycle sa Brgy. Bangad, Cabanatuan City alas-9 ng Linggo ng gabi.

Sugatan ang driver ng motorsiklo na si Jayson Fernandez matapos lumundag bago banggain ng humaharurot na tricycle.

Wala namang tinamong pinsala ang tricycle driver.

Ayon sa mga Brgy. Police na unang rumesponde sa lugar, bigla na lamang umovertake ang tricycle sa sinusundang sasakyan at saka bumangga sa kasalubong na motorsiklo ni Jayson.

Salaysay ni Nemecio Bondoc Jr., “Lasing yung tricycle driver. Yung tricycle na pauwi ng bayan, umovertake. Ito namang single, papunta ng palayan. Ayon nagkabanggaan dahil umovertake nga yung tricycle driver.”

Matapos lapatan ng first aid ang biktima ay kaagad na dinala ng UNTV News and Rescue Team sa Paulino J. Garcia Memorial Hospital.

Alas-onse kwarenta’y singko naman ng gabi, isa na namang banggan ng motorsiklo at tricycle ang nangyari sa Brgy. Bangad.

Nakahiga at duguan ang dalawang sakay ng motorsiklo, habang nakatayo ang isa pang angkas nito.

Nasa gilid naman ng kalsada ang tricycle driver na nakilalang si Daniel Ponce na nagtamo ng sugat sa mukha at galos sa braso.

Matapos na bigyan ng pangunang lunas ng UNTV News and Rescue Team ang mga tinamong sugat sa iba’t-ibang bahagi ng katawan ng mga biktima ay kaagad na inihatid ang mga ito sa Paulino J. Garcia Memorial Hospital.

Ang Cabanatuan Emergency Search and Rescue Team naman ang naghatid sa isa pang angkas ng motorsiklo.

Makalipas lamang ang ilang sandali, matapos makapaghatid sa ospital,isa na namang banggaan ng motorsiklo at kolong-kolong o delivery tricycle ang nirespondehan ng UNTV News and Rescue Team sa Brgy. Bantug Norte, Cabanatuan City.

Ayon sa nakasaksi, pareho ng direksyon na binabagtas ang motorsiklo at kolong-kolong, subalit nang magtangkang umovertake ang motorsiklo ay bigla na lamang lumipat ng linya ang kolong-kolong kaya bumangga sa likuran nito ang motorsiklo.

Kagaagad binigyan ng pangunang lunas ng UNTV News and Rescue Team ang driver ng motorsiklo si Jomar Rivera na hinihinalang may bone fracture sa kaliwang balikat at saka dinala sa M.V. Gallego Memorial Hospital. (UNTV News Laguna and Nueva Ecija)

The post Lalake sugatan nang mabangga ng tricycle, tinulungan ng UNTV News and Rescue appeared first on UNTV News.

Ang pagtulong ng UNTV News and Rescue team sa isang naaksidente sa Minalin, Pampanga nitong Linggo ng madaling araw. (PAULO RECCION / Photoville International)

QUEZON CITY, Philippines — Sugatan ang dalawang sakay ng motorsiklo matapos mabiktima ng hit-and-run sa bahagi ng Barangay Greater Fairview, Quirino Highway sa Quezon City alas dos ng madaling araw, Lunes.

Kinilala ang mga biktima na sina Mark Joseph Dacoro na nilapatan ng first aid ng UNTV News and Rescue Team at saka inihatid sa Dr. Jose Rodriguez Memorial Hospital.

Samantalang ang Quezon City Department of Public Order and Safety Rescue ang tumulong sa kasama nito na si Willie John Pepito.

Tatlong sugatan sa motorcycle accident sa kahabaan ng McArthur Hi-Way sa Barangay Sto. Domingo, Minalin, Pampanga pasado alas dose ng madaling araw ng Linggo ang nirespondehan ng UNTV News and Rescue Team.

Kaagad nilapatan ng paunang lunas ng UNTV News and Rescue Team.

Ang mga tinamong sugat sa iba’t-ibang bahagi ng katawan ng mga biktima na sina Richard Vacunawa, Luis Efren Jr. na nakasakay sa motorsiklo at si Edward Sumar na nakasakay naman sa tricycle na kapwa tumanggi ng magpahatid sa hospital.

Magkatuwang na binigyan ng first aid ng UNTV News and Rescue Bataan at Zambales Rescue Team ang naksidenteng motorcycle rider na si Redencio dela Cruz sa Brgy.Calapandayan, Subic, Zambales pasado ala una ng madaling araw noong Sabado.

Nagtamo ito ng mga sugat sa iba’t-ibang bahagi ng katawan at posibleng bali sa kanang binti.

Ang BFP Subic, Zambales naman ang naghatid kay Dela Cruz sa James Gordon Memorial Hospital sa Olongapo City.

Dalawang delegado naman ng sa Cordillera Administrative Region Athletic Association Meet 2016 ang tinulungan ng UNTV News and Rescue Team sa Baguio City noong Sabado ng alas dos ng hapon.

Idinaraing ni Vince William Tabios ang pamamanhid at pamamaga ng hinlalaki ng kaniyang kanang paa matapos masugatan at magkaroon ng impeksyon.

Nilalagnat naman si Joepet Paleracio at idinaraig ang pananakit ng ulo.

Agad ini-assess at binigyan ng first aid ng UNTV News and Rescue ang dalawa.

Ang PCSO ambulance na ang naghatid sa kanila sa ospital. (UNTV News)

The post Ilang insidente sa QC, Pampanga, Subic at Baguio, nirespondehan ng UNTV News and Rescue appeared first on UNTV News.

Ang pagtulong ng UNTV News and Rescue team sa naaksidenteng taxi driver.

QUEZON CITY, Philippines — Nadatnan pa sa gitna ng kalsada ng UNTV News and Rescue team ang sugatang driver ng isang taxi matapos mabangga ang minamanehong nitong sasakyan sa concrete barriers sa Quezon City.

Pasado alas-tres ng madaling araw ng mangyari ang insidente sa bahagi Barangay San Bartolome, Novaliches.

Kinilala ang taxi driver na si Felix Tanais, 40 anyos na residente.

Chineck ng UNTV News and Rescue Team ang kalagayan ng biktima na tumaas ang blood pressure, agad namang binigyan ng pangunang lunas ng grupo ang tinamo nitong sugat sa ilong.

Tumanggi nang magpadala ang biktima sa hospital.

Ayon sa nakakita sa pangyayari may nakagitgitan umano ang taxi na isang truck.

“Nagkagitgitan tapos yung truck nabutas yung gasolinahan niya tapos umikot dito na out of balance pag-ikot niya ng ganun tinamaan niya ang UV tapos diyan siya tumama,” anang testigong Fracis Plandez.

Dahil matulin ang takbo ng mga sasakyan umikot pa ang taxi bago bumangga sa mga concrete barrier sa gitna ng kalsada.

Sa ngayon dinala na sa Quezon City Traffic Sector 6 ang sasakyan at driver para sa imbestigasyon kung sino ang dapat managot sa pangyayari. (UNTV News)

The post Taxi driver na sugatan sa aksidente sa QC, tinulungan ng UNTV News and Rescue appeared first on UNTV News.

Ang pagtulong ng UNTV News and Rescue Team biktima ng hit-and-run sa Bacolod City.

BACOLOD, Philippines — Nirespondehan ng UNTV News and Rescue team ang lalakeng na hit-and-run pasado alas diyes ng Martes ng gabi sa Barangay Taculing, Bacolod City.

Ang biktima na kinilalang si Noel Gracia Vilches, 54-anyos, ay nagtamo ng bukol at sugat sa ulo at pananakit ng paa na agad namang nilinis at nilapatan ng paunang lunas ng UNTV News and Rescue Team.

Ayon sa biktima, pauwi siya sakay ng kanyang tricycle nang bigla na lang siyang salubungin at banggain ng humaharurot na kotse.

Sinabi naman naman ng nakasaksi sa aksidente na si “Tedy” agad na tumakas ang sasakyan.

Ani Tedy, “Pag kalabog, pagtingin ko sa labas nakita ko na ung tricycle na bumaliktad, pagkatapos nakita nung driver ng tricycle na hindi huminto ung driver ng auto.”

Samantala, matapos malapatan ng paunang lunas ang biktima ay dinala na ito ng UNTV Rescue sa Corazon Locsin Memorial Regional Hospital. (UNTV News)

The post Lalaking biktima ng hit-and-run sa Bacolod City, tinulungan ng UNTV News and Rescue appeared first on UNTV News.

Si Lolo Benito Innaliap, isa sa mga pinaglingkuran ng UNTV News and Rescue Team sa pagdiriwang ng Panagbenga Festival 2016 sa Baguio City nitong Linggo, Pebrero 28, 2016.

BENGUET, Philippines — Umabot sa labing apat ang natulungan ng UNTV News and Rescue Team sa pagdiriwang ng Panagbenga Festival.

Binigyan ng pang-unang lunas ng grupo si Lolo Benito Innaliap, matapos na tumama ang mukha dahil sa pagkatumba habang nag-ja-jogging sa Athletic Bowl sa Baguio City nitong Linggo.

Matapos mabigyan ng first aid ang sugat sa kanang bahagi ng itaas ng kilay ay inihatid na si Lolo Benito sa ospital.

Siyam naman ang tinulungan ng UNTV News and Rescue Team katuwang ang City Disaster Risk Reduction Management Office sa kasagsagan ng Grand Street Dance Parade.

Karamihan sa mga ito ay nakaranas ng pagkahilo, nahihirapang huminga at pinupulikat.

Tatlo naman ang natulungan ng grupo matapos mahilo habang isinasagawa ang grand float parade.

Umabot naman sa apatnapu’t siyam ang nagpa-check ng kanilang blood pressure sa UNTV News and Rescue Booth na naka-pwesto sa pinagdausan ng float parade ng Panagbenga sa Baguio City.

Samantala, tinulungan rin ng UNTV News and Rescue ang motorcycle rider na naaksidente sa Naga City, Camarines Sur alas onse y medya ng gabi nitong Linggo.

Nagtamo ng gasgas sa mga kamay at paa ang biktima na si Marvin Sergio, 25 anyos na kaagad namang binigyan ng pang-unang lunas ng UNTV News and Rescue.

Ayon kay Sergio, pauwi na siya sa kanilang bahay galing sa kasayahan ng bigla na lamang may nag-overtake sa kaniyang naka-motorsiklo at nasagi ang kaniyang manibela.

Nawalan siya ng kontrol sa manibela at sumadsad sa kalsada kaya nagkaroon ng mga gasgas.

Matapos malapatan ng first aid ay tumanggi ng magpahatid pa sa ospital si Sergio. (GRACE DOCTOLERO / ALLAN MANANSALA / UNTV News)

The post 14 biktima ng iba’t-ibang insidente sa Panagbenga Festival 2016, tinulungan ng UNTV News and Rescue appeared first on UNTV News.

Ang pagtulong ng UNTV News and Rescue Team sa isang naaksidente sa Malolos, Bulacan nitong Lunes ng gabi. (KENJIE HASEGAWA / Photoville International)

BULACAN, Philippines — Isang motorcycle accident ang nirespondehan ng UNTV News and Rescue team sa kahabaan ng McArthur Hi-Way sa Barangay Dakila, Malolos, Bulacan, pasado alas onse nitong Lunes ng gabi.

Ang biktima na si Daniel Navarete, 26 anyos ay may sugat sa ulo, kamay katawan at paa.

Binigyan ng pang-unang lunas ng grupo si Navarete na dumaraing din ng hirap sa paghinga at nagtamo ng posibleng bali sa kaliwang kamay at saka sinugod sa Bulacan Medical Center.

Ayon sa mga nakakita sa pangyayari, madilim sa lugar at walang nakalagay na warning device sa ginagawang kalsada kaya nabangga ni Navarete ang mga nakaharang na barrier.

Samantala, tinulungan naman ng UNTV News and Rescue team ang motorcycle rider na biktima ng self-accident sa Loakan Road sa Baguio City pasado alas kwatro, Martes ng madaling araw.

Nagtamo ng galos sa iba’t-ibang bahagi ng katawan si Joseph Adriago, 22 anyos.

Matapos mabigyan ng first aid ng UNTV News and Rescue team ay tumanggi ng magpahatid sa ospital si Joseph at sa halip ay nagpahatid na lamang sa kaniyang tinutuluyan sa Atok Trail, Baguio City.

Ayon sa biktima pauwi na sana siya sa bahay nang maidlip habang nagmamaneho.

(JOSHUA ANTONIO and GRACE DOCTOLERO / UNTV News)

SEE VIDEO HERE.

The post Biktima ng motorcycle accident sa Malolos, nirespondehan ng UNTV News and Rescue appeared first on UNTV News.

Ang pagtulong ng UNTV News and Rescue Bicol sa naaksidenteng motorista sa Naga City.

CAMARINES SUR, Philippines — Tinulungan ng UNTV News and Rescue team ang motorcycle rider na naaksidente sa kahaban ng Pan-Phil Highway sa Brgy. Del Rosario, Naga City pasado alas onse nitong Martes.

Agad nilapatan ng pangunang lunas ng grupo ang tinamong mga sugat ni Albert Cornelio na tumanggi nang magpahatid sa ospital.

Ayon kay Cornelio, nag-overtake siya habang nakasakay sa kaniyang motorsiklo sa isa pang nakamotorsiklo ngunit nawalan ng kontrol sa manibela at sumadsad sa kalsada.

Isang motorcycle rider na bumangga sa pampasaherong jeep sa Gonzaga Extension, Brgy. Taculing, Bacolod City ang nirespondehan ng UNTV News and Rescue Team alas nueve naman ng gabi.

Nagtamo ng sugat sa kaliwang paa, gasgas sa kanang tuhod at posibleng bone dislocation sa kaliwang braso ang rider na si Allen Samis, disisyete anyos.

Matapos malapatan ng first aid ay isinugod na ng grupo si Samis sa Corazon Locsin Montelibano Memorial Regional Hospital. (UNTV News)

The post Motorcycle rider na naaksidente sa Naga City, tinulungan ng UNTV News and Rescue appeared first on UNTV News.

Ang pagtulong ng UNTV News and Rescue Team Davao sa isa sa mga naaksidente sa Matina, Pangi, Davao City.

DAVAO, Philippines — Nirespondehan ng UNTV News and Rescue team katuwang ang Davao City Central 911 ang aksidente sa Matina, Pangi, Davao City pasado alas dose ng gabi nitong Huwebes.

Bukol at sugat sa mukha at mga kamay ang tinamo ni Pantello Mondejar Jr., 51-anyos residente ng nasabing lugar matapos sumemplang sa gilid ng daan ang sinasakyan nitong motorsiklo.

Kaagad na nilapatan ng pangunang ng grupo si Mondejar at saka inihatid sa Southern Philipines Medical Center.

Samantalang ang kasama ni Mondejar na driver sa motorsiklo ay nagtamo ng sugat sa iba’t-ibang bahagi ng katawan na tinulungan naman ng Davao City Central 911.

Ayon sa mga nakasaksi, self-accident ang nangyari.

Pahayag ni Emil Rentura, “Pag agi namo sa misis na ko, wala man silay kasugat sila lang man ang nakuan diha.”

(Pagdaan namin ng misis ko ,wala na man silang kasalubong sila lang naman ang naano dyan).

JANICE INGENTE / UNTV News

The post 2 biktima ng motorcycle accident sa Davao City, magkatuwang na nirespondehan ng UNTV News and Rescue at Davao 911 appeared first on UNTV News.

Ang pagtulong ng UNTV News and Rescue team sa isa sa mga biktima ng motorcycle accident sa Quezon City nitong gabi ng Linggo. (UNTV News)

QUEZON CITY, Philippines — Sugatan ang mga biktimang sina Argy Asis at Jeffrey dela Peña na pawang mga taga-Alabang matapos ang motorcycle accident sa Barangay Central sa Southbound ng Commonwealth avenue pasado alas dies kagabi

Nagtamo ng malalim na sugat si Argy sa kanyang kanang paa at mga gasgas sa iba’t ibang bahagi ng katawan habang si Jeffrey ay nagtamo lamang ng minor injuries

Agad binigyan ng pangunang lunas ng UNTV News and Rescue team ang mga biktima at isinugod sa East Avenue Medical Center.

Samantala, sugatan ang dalawang driver ng motorsiklo matapos magbanggaan sa flyover Maguikay, Mandaue City, pasado alas kuwatro ng madaling araw nitong Lunes.

“Kaning usa gikan sa Consolacion padung sa Naga, trabaho mani siya sa manoy panadera, unya kaning usa gikan sa hiway seno padung Consolacion. Nagsugat sila ibabaw sa flyover,” ani PO2 Modesto Gochavez.

(Itong isa galing Consolacion papuntang Naga, trabaho kasi siya sa Manoy Panadera, tapos itong isa galing sa hi-way Seno papuntang Consolacion. Nagsalubong sila sa taas, sa flyover.)

Nagtamo ng hiwa sa labi at baba at gasgas sa kanyang kanang tuhod si Jevy Isoto, samantala, nagkaroon naman ng deformity sa kanang paa si Gonato Leo Murillo at idinadaing ang pananakit ng kanyang batok.

Nilapatan ng pangunang lunas ng grupo ang mga biktima at inihatid si Jevy sa Mandaue City District Hospital.

Ang Danao 211 Rescue naman ang nagdala sa pinakamalapit na ospital.

(REYNANTE PONTE / MARLON ABIQUE / UNTV News)

The post Dalawang sugatan sa motorcycle accident sa QC, tinulungan ng UNTV News and Rescue appeared first on UNTV News.

Ang pagtulong ng UNTV News and Rescue Team sa binatang nabundol ng bus sa Quezon City nitong Lunes.

QUEZON CITY, Philippines — Tinulungan ng UNTV News and Rescue ang disi-syete anyos na lalaki na nabundol ng bus sa Northbound EDSA North Avenue alas 11:30 nitong Lunes ng gabi.

Binigyan ng pang-unang lunas ng grupo ang tinamong sugat sa noo, mukha at paa ng biktima na si Hervin Ribuyas at saka isinugod sa Quezon City General Hospital kasama ang kanyang nanay.

Nirespondehan naman ng UNTV News and Rescue ang banggan ng dalawang tricycle sa Barangay Sto. Domingo, Capas, Tarlac pasado alas dose ng madaling araw nitong Martes.

Sugatan ang magkapatid na Anna Marie Sibal at Arman Sibal na pasahero ng tricycle na minamaneho ni Jansen Kabigting.

Nilapatan ng first aid ng grupo ang gasgas sa kanang tagiliran ni Arman at ang mga sugat ni Anna Marie na natanggalan pa ng isang ngipin dahil sa aksidente.

Ang Tarlac-PNP na ang naghatid sa mga biktima sa ospital ning Capas.

Wala namang tinamong pinsala ang dalawang menor de edad na sakay ng tricycle at driver ng kabanggang tricycle.

Samantala banggan naman ng dalawang motorsiklo ang nirespondehan ng UNTV News and Rescue sa kahabaan ng Ouano Avenue, Mandaue City, Cebu pasado alas otso ng umaga ng Martes.

Kaagad na binigyan ng pangunang lunas ng grupo ang malaking sugat sa kanang kamay at gasgas sa iba’t-ibang bahagi ng katawan ni Cecilo Mojico at saka inihatid sa ospital.

Ang kabanggan naman nito na si Ariel Mojado ay tumanggi ng magpahatid sa ospital matapos malapatan ng first aid ang sugat sa magkabilang tuhod.

Pahayag ng Mandaue Traffic Enforcer na si Jennifer Branzuela, “Go sila tanan puros motor, nag-abot sila diri, ang usa nipadalplin, unya wala naman kabantay ang gasunod, mao toy nahitabo nagkasingkiay gyud sila.”

(Naka-go sila lahat parehong motor, nagkabanggaan sila dito. Ang isa’y kumabig pagilid ngunit hindi namalayan ng kasunod. Yun ang nangyari, nagkagitgitan sila.)

BERNARD DADIS / UNTV News

The post 17-anyos na lalaki na nabundol ng pampasaherong bus sa QC, tinulungan ng UNTV News and Rescue appeared first on UNTV News.

Ang pagbibigay ng first aid ng UNTV News and Rescue-Bicol sa isang pulis na nasangkot sa aksidente.

CAMSUR, Philippines — Nirespondehan ng UNTV News and Rescue Team ang banggaan ng cargo truck at motorsiklo na minamaneho ng isang pulis sa kahabaan ng Pan-Phil Highway sa Brgy. San Isidro, Pili, Camarines Sur pasado alas dies y medya kagabi.

Binigyan ng paunang lunas ng UNTV News and Rescue Team si PO1 Marcelo Aluzan na nagtamo ng minor injuries at tumanggi nang magpahatid sa ospital.

Wala namang tinamong pinsala ang driver ng cargo truck na si Rey Magistrado.

Ayon kay Magistrado, hindi niya napansin ang motorcycle rider na biglang lumikong pakanan dahil hindi ito nagbigay ng kaukulang signal light.

Ngunit ayon naman kay PO1 Aluzan, masyadong mabilis ang pagpapatakbo ni Magistrado ng sasakyan kaya siya inabot nito.

Kasalukuyan ng iniimbestigahan ng mga awtoridad ang pangyayari.

(ALLAN MANANSALA / UNTV News)

The post Pulis na sangkot sa vehicular accident, tinulungan ng UNTV News and Rescue Team appeared first on UNTV News.

Ang biktima ng hit and run sa Bacolod habang nilalapatan ng first aid ng UNTV News and Rescue Team.

BACOLOD, Philippines — Nirespondehan ng UNTV News and Rescue Team ang hit-and-run incident sa Barangay Taculing, Bacolod City pasado alas onse nitong gabi ng Martes.

Nilapatan ng pang unang lunas ng UNTV News and Rescue Team ang biktima na si Norman Qui-ai na nagtamo ng sugat sa loob ng kaniyang bibig at kaliwang palad, gasgas sa kanang binti at kaliwang siko at iniinda ang pananakit ng tagiliran.

Matapos malapatan ng first aid ay agad itong dinala sa Corazon Locsin Memorial Regional Hospital.

Ayon sa nakasaksi na truck driver na si Rolando Boligid, mabilis at pa gewang-gewang ang takbo ng isang puting pickup na nakabangga sa naglalakad na biktima.

Sa halip na huminto ay mabilis na pinahururot pa ng driver ang sasakyan kaya hindi nila nakuha ang plate number nito.

“Napansin ko yung pick up na humaharurot, ume-ekis talaga yung takbo,” anang saksi.

Sa ngayon, inaalam na ng mga awtoridad kung papaano makikilala ang nakabanggang suspect.

JIM ESTIMAR / UNTV News

The post Biktima ng hit and run sa Bacolod City, tinulungan ng UNTV News and Rescue appeared first on UNTV News.

Ang pagresponde ng UNTV News and Rescue sa aksidente sa San Simon, Pampanga. (UNTV News)

PAMPANGA, Philippines — Tinulungan ng UNTV News and Rescue ang biktima ng bangaan nang motorsiklo at tricycle sa San Jose Bridge, San Simon, Pampanga, Sabado ng gabi.

Nasa loob na ng isang sasakyan ang biktima na si Angelo Dejito, driver ng motorsiklo nang datnan ng grupo.

Nilapatan ng news and rescue team ng paunang lunas ang tinamong malaking sugat sa kaliwang paa ng biktima, maging ang idinadaing na pananakit ng kamay, at ang namamaga at di maigalaw na kaliwang binti.

Matapos bigyan ng paunang lunas ang biktima ay dinala na ito sa Jose B. Lingad Memorial Regional Hospital sa San Fernando City.

Samantala, nagtamo naman ng maliit na sugat sa bibig ang driver ng tricycle na nakabangaan ni Dejito na tumanggi nang magpadala sa hospital.

Ayon sa mga nakakita sa aksidente nasa north-bound lane ng tulay ang biktima, sakay ng motorsiklo samantalang nasa kabilang direksyon naman ng tulay ang tricycle na minamaneho ni Nataniel Torres.

May iniwasan umano si Dejito kaya napunta sa kabilang linya ng tulay na naging dahilan ng banggaan. (BRYAN LACANLALE / UNTV News)

The post Lalakeng biktima sa bangaan ng motorsiklo at tricycle sa San Simon, Pampanga, binigyan ng paunang lunas ng UNTV News and Rescue appeared first on UNTV News.

Pagkatapos malapatan ng first aid ng UNTV News and Rescue Team ang biktima ng motorcycle accident sa Maynila, nakipag-ugnayan naman ang rescue staff sa Ospital ng Sampalok para sa turnover.

MANILA, Philippines — Nakaupo pa sa gilid ng kalsada si Gaile Belardo nang maabutan ng UNTV News and Rescue Team sa V. Mapa Street corner Ramon Magsaysay Boulevard matapos masagi ang sinasakyan nyang motorsiklo ng isa ring motorcycle rider pasado alas nueve nitong Lunes ng gabi.

Nilapatan ng pang unang lunas ng grupo si Belardo na nagtamo ng gasgas sa kaliwang siko at saka inihatid sa Ospital ng Sampalok sa Maynila.

Ayon kay Belardo, binabaybay nila ang Ramon Magsaysay Boulevard nang isang motor ang nakasagi sa kanila kaya sila naaksidente.

Sa halip na huminto ay mabilis na tumakas ang nakasaging rider kaya hindi na nakuha ang anumang pagkakakilanlan.

Nirespondehan ng UNTV News and Rescue ang 19-anyos na si Terenz John Dadivo matapos maaksidente ang minamanehong motorsiklo sa Barangay Muzon, San Jose del Monte City, Bulacan pasado kwatro ng hapon, Linggo.

Ayon kay Davido, aksidente niyang nagulungan ang isang bato sa kalsada kaya nawalan ng kontrol sa manibela at sumemplang.

Matapos lapatan ng first aid ang tinamong gasgas sa iba’t-ibang bahagi ng katawan ang pharmacy student na si Davido ay isinugod na ito sa Sapang Palay District Hospital kasama ang pamilya nito. (Benedict Galazan / Nestor Torres / UNTV News)

The post Motorcycle accident sa Maynila at sa Bulacan, nirespondehan ng UNTV News and Rescue appeared first on UNTV News.

Ang pagtulong ng UNTV News and Rescue Team sa isang lasing na nasugatan ang sarili sa isang police station sa Iloilo. (UNTV News)

ILOILO, Philippines — Nadatnan ng UNTV News and Rescue ang isang lalaking duguan ang kaliwang kamay sa Police Station 1 General Luna Street, Iloilo City noong Sabado ng alas onse ng gabi.

Binigyan ng pang unang lunas ng UNTV News and Rescue Team ang malaking hiwa sa kamay ng biktima na si Hernan Obligation, limampu’t isang taong gulang at residente ng naturang lugar.

Ayon sa nakasaksi, inireklamo ng mga kapitbahay ang biktima dahil sa sobrang ingay dala ng kalasingan.

Sa halip na makinig sa mga barangay tanod ay hinabol pa nito ng kutsilyo ang mga nagrereklamo sa kaniya.

Pahayag ng saksing si Helena Jabonete, “Pinasulod na sa sang tanod ang lain to nagwa pagid sa liwat, nagtindogtindog kag may bitbit siya kutsilyo nga laba.”

(“Pinapasok na siya ng mga tanod pero lumabas siya ulit, tumatayo at may bitbit ng kutsilyo na mahaba.”)

Dahil sa kalasingan ay nasugatan niya mismo ang kaniyang sarili.

Nirespondehan ng UNTV News and Rescue Team ang banggaan ng motorsiklo at tricycle sa kahabaan ng McArthur Hi-Way sa Barangay Sampaloc, Apalit, Pampanga pasado alas kuwatro ng hapon nitong Linggo.

Nagtamo ng hiwa sa kaliwang kamay at sugat sa kanang binti ang sakay ng motorsiklo na si Braulio Cabug Bernacer.

Samantalang nagtamo naman ng sugat sa kanang kilay at kanang kamay ang driver ng tricycle na si John Mike Blas na kaagad namang binigyan ng first aid ng UNTV News and Rescue Team at saka dinala ang mga ito sa Jose B. Lingad Hospital.

Tinulungan ng UNTV News and Rescue Team ang driver ng SUV na nahulog sa bangin sa bahagi ng Olongapo-Gapan Road sa bayan ng Bacolor, Pampanga, alas onse ng gabi noong Biyernes.

Kinilala ang biktima na si Timothy Joshua Gasgonia, 19 anyos na nagtamo ng malalim na sugat sa kaliwang mata at pisngi na kaagad namang binigyan ng paunang lunas ng UNTV News and Rescue at saka inihatid sa Jose B. Lingad Hospital ang biktima.

Kasama ni Joshua sa SUV na nahulog ang siyam na kaibigan na nagtamo rin ng malulubhang sugat na tinulungan naman ng iba pang rescue unit.

Ang isa naman nilang kasama na labing pitong taong gulang na babae ay idineklarang dead on arrival.

Ayon sa PNP ng Bacolor, pauwi na ang mga ito galing sa isang kasiyahan nang biglang nag preno at umikot ng maraming beses ang kanilang sasakyan at tsaka nahulog sa bangin. (JOSHUA ANTONIO / UNTV News)

The post Lalaking nagtamo ng sugat sa kamay, tinulungan ng UNTV News and Rescue appeared first on UNTV News.

Ang pagresponde ng UNTV News and Rescue Team Bulacan sa isang aksidente sa Brgy. Burol First, Balagtas. (UNTV News)

BULACAN, Philippines — Nirespondehan ng UNTV News and Rescue Team ang dalawang sakay ng motorsiklo na nabangga ng Isuzu van sa McArthur Highway sa Barangay Burol First, Balagtas, Bulacan kaninang alas dose ng tanghali.

Nagtamo ng hiwa sa palad at gasgas sa kamay at kanang balikat si Mang Lino Geronimo, 36 years old.

Habang ang driver ng motorsiklo na si Josua Sacdalan, 19 years na katatapos lang ng pag-aaral bilang pari ay nagtamo ng pasa sa kanang baywang, at iniinda ang pananakit ng binti at hita dahil sa pagkabagsak nito sa motorsiklo.

Matapos malapatan ng pang unang lunas ng UNTV News and Rescue ang magtiyuhin ay tumanggi na itong magpadala pa sa pagamutan.

Ayon sa driver ng van na si Wilfredo del Rosario, mabagal lang ang kanyang takbo at hindi nya napansin ang kasunod na motorsiklo.

Nagulat nalang sya ng papasok na sa gate ng kumpanya ay bigla na lang sumulpot ang motorsiklo kaya niya ito nabangga.

Wala naman tinamong sugat ang driver ng van, subalit nangako itong sasagutin ang gastusin sa gamot, pagpapa-X-Ray at pagpaayos sa nabanggang motorsiklo. (NESTOR TORRES / UNTV News)

The post Magtiyuhin na naaksidente sa motorsiklo sa Balagtas, tinulungan ng UNTV News and Rescue appeared first on UNTV News.

Ang pagtulong ng UNTV News and Rescue Team Bulacan sa isa sa mga sugatan sa banggaan ng delivery van at rice thresher.

BULACAN, Philippines — Nirespondehan ng UNTV News and Rescue ang banggaan ng van at rice thresher sa Barangay Malamig, Bustos, Bulacan alas dose nitong Linggo ng gabi.

Nakaipit pa sa van na may kargang anim na daang kilo ng isda ang driver nito na si Aling Nenita Castro nang datnan ng UNTV News and Rescue Team.

Habang ang dalawang pahinante ng rice thresher na nabangga nito na sina John Mark Libardo at Archie Aldesa ay idinadaing ang pananakit ng katawan.

Ang isa pang kasama ng mga pahinante na si Ariel Domingo ay nagtamo ng sugat sa likod at hindi makabangon sa kalsada dahil sa sobrang pananakit ng likod.

Wala namang tinamong pinsala ang driver ng rice thresher.

Matapos malapatan ng pang-unang lunas ay inihatid na ng grupo sa Allied Care Expert Medical Center sa Baliuag.

Sa Iloilo, isang motorcycle rider ang nakabangga ng by-stander sa Barangay Tacas sa Jaro ang nirespondehan ng UNTV News and Rescue team, Linggo.

Naabutan ng grupo ang driver ng motorsiklo na si Jesusimo Calupez na nagtamo ng gasgas sa mga tuhod, kaliwang kamay at tagiliran na agad namang nilapatan ng paunang lunas at saka inihatid sa West Visayas State University Hospital.

Samantalang nauna namang isinugod ng mga barangay tanod ang by-stander na si Ariel Jaen, 16-anyos sa pinakamalapit na ospital.

Ayon sa mga nakasaksi, nakita nila ang pagewang-gewang na motorsiklo na minamaneho ni Calupez bago mabangga si Ariel.

Nangako si Calupez na sasagutin ang gagastusin sa ospital ng biktima.

Sa Naga, duguan ang mukha ng 49-anyos na si Romeo Baricas nang datnan ng UNTV News and Rescue Team sa Brgy. Calauag, Naga City pasado ala una ng madaling-araw noong Linggo.

Nilapatan ng pang-unang lunas ng grupo ang malaking sugat sa kaliwang bahagi ng kilay ng biktima at saka inihatid ng mga pulis sa Naga City Hospital.

Ayon sa mga barangay tanod, posibleng nakuha ni Mang Romeo ang sugat ng magkaroon ng komosyon sa lugar kung saan nakikipag-inuman.

(Nestor Torres / Vincent Arboleda / Allan Manansala / UNTV News)

The post Aksidente sa Bulacan, Iloilo at Naga, nirespondehan ng News and Rescue appeared first on UNTV News.

Ang pagresponde ng UNTV News & Rescue Team sa isang motorcycle accident sa EDSA corner Quezon Avenue. (UNTV News)

QUEZON CITY, Philippines — Nilapatan ng pangunang lunas ng UNTV News and Rescue Team ang sugat ni Gerald Anunciado, 27 anyos matapos matumba ang sinasakyang motorsiklo sa northbound ng EDSA-Quezon Avenue pasado alas dos, Lunes ng madaling araw.

Nagtamo ng sugat sa iba’t-ibang bahagi ng katawan ang biktima na tumanggi ng magpadala sa ospital matapos mabigyan ng first aid.

Ayon sa isang motorcycle rider na si Elvis Caabay na dumaan sa lugar, naabutan na lang nila na nakadapa na sa gitna ng kalsada ang biktima matapos tumilapon sa sinasakyang motorsiklo.

Ang angkas naman nito at kapatid ng biktima na si Jerry Anunciado, 20 anyos, ay wala namang tinamong sugat.

Ayon kay Jerry habang binabagtas nila ang flyover ng EDSA, Quezon Avenue nang pagbaba nila ay nagpagewang gewang na ang kanilang motorsiklo matapos maflat ang gulong ng likurang bahagi nito.

Samantala, tinulungan ng UNTV News and Rescue Team ang motortcycle rider na na-hit and-run ng trailer truck sa Barangay San Juan, Balagtas, Bulacan alas dose ng madaling araw noong Sabado.

Kilala ang biktima na si Jayson Pascual na nagtamo ito ng sugat sa ulo, pagdurugo ng ilong at tenga at iniinda ang pananakit ng katawan.

Matapos malapatan ng first aid ay isinugod na ospital ang biktima.

(Reynante Ponte / Nestor Torres / UNTV News)

The post Motorcycle accident sa Quezon City, nirespondehan ng UNTV News and Rescue appeared first on UNTV News.

Nilapatan ng paunang-lunas ng UNTV News and Rescue ang motorcycle rider matapos ang isang aksidente.
(UNTV News)

QUEZON CITY, Philippines — Nirespondehan ng UNTV News and Rescue Team ang isang aksidente sa Congressional Ave. corner Villa Socorro St., Quezon City bandang alas dos y medya ng madaling araw.

Isang motorcycle rider ang tumilapon matapos mabundol ang isang tumatawid na babae sa kalsada.

Dinala ng mga pulis sa Quezon City General Hospital ang 17-gulang na si Mary Jane Abagao.

Samantala, nilapatan naman ng paunang-lunas ng News and Rescue Team ang lalaki na nagtamo ng mga sugat sa iba’t-ibang bahagi ng katawan.

Gayunman, tumanggi na itong magpadala sa ospital matapos ang first aid treatment sa kanya at sa halip ay isinama na lang ng mga pulis sa Quezon City Traffic Sector 6 upang masampahan ng kaukulang reklamo.

The post Lalaking nasugatan sa motorcycle accident sa Quezon City, tinulungan ng UNTV News and Rescue Team appeared first on UNTV News.

Nilapatan na paunang-lunas ng UNTV News and Rescue Team ang isa sa biktima ng banggaan ng tricycle at motorsiklo sa Grande, Davao City.
(UNTV News)

DAVAO CITY, Philippines — Nirespondehan ng UNTV News and Rescue Team ang mga biktima sa banggaan ng tricycle at motorsiklo kaninang ala una ng madaling araw sa Catalunan, Grande, Davao City.

Kapwa nagtamo ng minor injures ang dalawang driver ng mga sasakyan na agad nilapatan ng paunang-lunas ng grupo.

Kinilala ang mga biktima na sila Jovani Bien Nocom, 40-anyos, driver ng tricycle at si Erwin Diaz, 26-anyos na driver naman ng motorsiklo.

Sa inisyal na imbestigasyon ng pulisya, nag U-turn bigla ang trycicle at di na namalayan ang paparating na motorsiklo kaya nagkabanggaan ang mga ito.

Matapos lapatan ng paunang-lunas ay dinala ng mga pulis ang mga ito sa Southern Philippines Medical Center upang sumailalim sa liquor test dahil sa suspetsang nakainom ang mga ito ng alak kaya nangyari ang aksidente.

(JANICE INHENTE/UMTV News)

The post UNTV News and Rescue Team, nilapatan ng paunang-lunas ang mga driver ng nagkabanggaang tricycle at motorsiklo sa Grande, Davao City appeared first on UNTV News.