Ang pagresponde ng UNTV News and Rescue Team-Baguio sa aksidente sa Governor Pack Road flyover nitong Martes. (Clinton Aniversario)
MANILA, Philippines — Nirespondehan ng UNTV News and Rescue Team ang biktima ng bangaan ng dalawang SUV sa Governor Pack Road flyover, Baguio City, 9:30 ng gabi ng Martes, Disyembre 29, 2015.
Inabutan ng rescue team ang lalakeng lulan ng Kia Sorento Wagon na nagtamo ng sugat sa mukha at hinihinalang mayrong spinal cord injury.
Kasama ng UNTV News and Rescue sa pagresponde ang 911-On Call Baguio na tumulong na mailagay ang Kendricks extrication device sa pasyente.
Kinilala ang biktima na si Danny Pilen, singkwenta’y sais anyos na residente ng Crystal Cave, Baguio City.
Wala namang nasugatan sa mga pasahero ng nakabanggaan nitong sasakyan.
Matapos malapatan ng paunang lunas ang biktima agad itong dinala ng rescue team sa Baguio General Hospital.
Samantala sa Tarlac, tinulungan din ng UNTV News and Rescue team ang dalawang lalakeng biktima ng motorcycle accident sa Barangay Pugo Cecilio, Sta. Ignacia madaling araw nitong Miyerkules, Disyembre 30, 2015.
Kinilala ang mga biktima na sina Mark Lester Balanay at Romy Pascua na kapuwa residente ng Barangay Poblacion East.
Sa initial na imbestigasyon ng mga police magkasunod na binabagtas ni Pascua at Balanay ang kahabaan ng Romulo Hiway nang magkasagian ang mga ito.
Nagtamo naman ng hiwa sa noo at gasgas sa mukha si Pascua.
Samantalang nagtamo naman ng gasgas sa likod, kaliwang kamay at kanang tuhod si Balanay.
Pagkatapos lapatan ng paunang lunas ay inihatid na ng grupo sa Don Gilberto Teodoro Memorial Hospital sa bayan ng Camiling si Pascua samantalang tumangi naman ng magpadala sa hospital si Balanay.
Rumesponde din UNTV News and Rescue Team Cavite sa vehicular accident sa kahabaan ng Aguinaldo Highway, madaling araw din nitong Miyerkules.
Unang bumaliktad ang Ford pick up na minamaneho ni Louie Esteban, 32-anyos nang bumangga ito sa isang puno sa gilid ng highway.
Ayon sa driver ng pickup, inaantok ito habang nagmamaneho kung kaya hindi napansin ang puno.
Matapos ang 30 minuto, bumangga naman ang isang Isuzu van sa tumaob na Ford.
Dalawa sa pitong pasahero ng van ang nasugatan na agad naman nilapatan ng pangunang lunas ng grupo. (UNTV News)
MORE PHOTOS HERE: 911-UNTV – Accident at Rotonda Baguio City – December 29, 2015
The post Biktima ng bangaan ng 2 SUV sa Baguio City, tinulungan ng UNTV News and Rescue appeared first on UNTV News.